Friday, May 18, 2007

لا أعلم

تخيلت لو ان اني تعاملت مع الناس بطبيعتي و تعاملت مع كل من احبهم و اعرفهماو من حولي انهم فرد من افراد عائلتي ، فتلك هي طريقتي مع كل من اعرفهم و اتحدث معهم سواء يعيش هنا او بالجوار
و لكن اتضح اني غلطانه في طريقتي و اسلوبي هذا،
فتعودت ان افتح قلبي للناس من نصح و ارشاد إن امكاني ذلك و امد يدي بل و ذراعي لاخر مدى لاريح من اعرفه و كلي لمن شاء اذان صاغيه اسمع واحاول ان احل او اخفف الام من يتالم غير مباليه بما انا فيه ،
و لن انكر اني اجد ما اجنيه ايضا و اجد من يقف و ياخذ بيدي في وقعاتي و احزاني و يظهر لي من يمسح دمعي في شدتي
لكني فؤجئة ان طبيعة تعاملي مع الناس يفهمها إيناس اخرين بانه تصرفات غير لائقه بل تميل إلا عدم الاحترام و البلاها و الهبل
احقا هذا ؟
امن يفتح قلبه للناس يكون اهبل ؟ امن يتمتع بروح المداعبه و التهريج يكون سفيه؟ امن يهتم بالناس و يمد يده لهم يكن ذو تصرفات غير لائقه ؟
فطبيعتي تغلب علي اعترف... فانا هكذا انسانه تحب الناس ، تخاف عليهم ، تود لو ترى الناس كلها سعداء معا متكاتفيين يحبوا بعضهم البعض ،
اعلم اني كما قيل لي احلم بالحياة الفاضلة التي هي صعبه المنال و لكني كثيرا ما ارى ان هناك اكيد امل بل هناك حقا امل في ان نعيش هذه الحياة لما لا ؟
لقد تحيرت نعم حتى انني توصلت اليوم و انا اكتب تلك السطور إلى اني اتقوقع مع نفسي افضل ، ابتعد عن كل اناس سواء من هم مؤمنون باسلوبي و فرحيين بيه او من ليس عندهم إيمان باسلوبي
لا ادرى ماذا افعل ابتعد عن الناس و اعيش مع نفسي و في خيالي و عائلتي فقط ي تلك المدينة الفاضلة التي في خيالي ام ماذا؟ اقتنع اني مخطيئة في اسلوبي مع الاخرين ؟ام استمر بطبيعتي و ربنا هو الاعلم بصفاء مشاعري و نيتي؟ لااعلم ....

7 comments:

Anonymous said...

بصى يا جوجو للاسف ان الناس دلوقتى بتترجم الطيبة و المساعدة و التعاون الى انه هبل او عبط و بيعتبروه حق مكتسب او يعتربوا الانسان ده ضعيف فيلا نبهدله مهو قاعد ، و فى ناس تانية بتعتبر التعامل بطبيعة الانسان الى انه تعدى للحدود او لاشياء اخرى ، انا رأيى ان الواحد لازم يتصرف بطبيعه و لكن طبعا فى حدود لتعامل مع الناس ، و لكن افضل زى مانا طيبة او خدوم طول ما انا مش بتعدى حدودى و لا بغلط ، الناس تترجموا بقى هبل او عبط ، لو انا صح خلاص ، انا مش هبقى خبيثة او لئيمة عشان الناس تحترنى و لا تخاف منى ، و اكيد فى ناس هتقدر الطيبة و التعاون

قاسم أفندي said...

أكيد لازم الواحد يتعامل بحذر مع اللي ميعرفهمش .. وان نحسن الظن بالناس أيضا مطلوب لكن بقدر
مش مهم ان الواحد يتصدم في الناس اللي أحسن الظن بهم بس المهم انه يتعلم من اخطائه
كلام جميل بس يوجع
تحياتي يا غالية

احمد عزام said...

هاي انجي
انا اول مره ازورك ولاقيت موضوعك ده افتكرت حالتي زمان وكم الصدمات اللي مريت بيها كل ما اتعرف علي ناس جديده والغريب ان الناس بتجرحك دون اي مراعاه لمشاعرك
من فتره في صديقه كنت بحترمها جدا اتريقت علي شكلي وقالت كلمه جرحتني قوي .........وطبعا هي مش عارفه تاثير الكلمه دي ايه
انا رغيت كتيير
بس عاوز اقول لك انت زي ما انت مش هتتغيري ........اللي يحبك هيتقبلك ويفهمك صح

AHMED SAMIR said...

انستي الفاضلة
الموضوع دة قتل بحثا والناس انقسمت فيه لقسمين
في ناس بتقول ان كل واحد يتعامل مع الناس زي ماهو مش زي ماالناس عايزينه يكون بمعنى ان انتي لو مرحة بتكوني مرحة وبتتعاملي عادي
وفي فريق تاني بيقول ان الانسان يتعامل مع اللي قدامه طبقا للشخص دة مين والموقف دة ايه ودي بتتطلب شخصيات مرنة تعرف تتلون
لا دول غلط ولا دول وانما استعدادات وامكانيات شخصية
تحياتي ليكي ومعلش طولت عليكي

Love & Feelings said...

اخواتي الاعزاء
موش قدره اوصفلكوا سعادتي بردكم على موضوعي
اختي باكي للاسف بردوا لطيبة بتترجم إلى هبل او سوء اخلاق و موش حاقدر اكون لئيمه و لا خبيثة و لو عملت كده انا عارفه نفسي كويس حارجع زي ما انا تاني ززاشكرك على كلامك الجميل

اخي الغالي ايمن : شكرك على نصيحتك الحنون و اشكرك على وقفتك الدائمه بجانبي و مسانتي انت فعلا اخ غالي جدا

اخي احمد :كم هو شرف مشاركتك في مدونتي . اخي الغالي يسعدني رغيك لو كان دايما جميل كده ارغي برحتك خالص .. في انتظار مشاركتك باستمرار

اخي احمد سمير : لم تتطول ابدا بل زتني ثقة و كلامك صح مليون الميه كمان في انتظار مشاركتك الدائمه

اشكركم جميعا و إلى لقاء في موضع اخر

Anonymous said...

Dear love and feelings or Jou Jou as pakinam called you, it is the first i visite your site , it is a nice site. I am agree with pakinam you must nehave on the same wau like, just follow your nature and your feelings do not care what the other people are saying, whatever you do you wil finde all the time some people who say it is not good the way you behave so it does not matter what the other people are saying. have a nice day.

pakinam,

How are you it is a long time ago that we talk to each other.

have a nice day too


Sherif

احمد عزام said...

هاي انجي
ميرسي اوي علي ذوقك .........وتحملك رغيي.........يا ريت تزوريني ....ليكي عندي تاج........يا ريت تقبليه مني